الحديث قدسي
"قال تعالى : اعددت لعبادى الصالحين ما لا عين رأت ولا أذن سمعت ولا خطر على قلب بشر"
الحديث يتكلم عن أيه؟ يتكلم عن الجنة، ويتكلم ربنا عامل لنا أيه في الجنة!!!!!
نفسك في أيه؟الآية بتقول { لهم ما يشاءون فيها ولدينا مزيد} نفسك في أيه؟
أنا عايز تتخيل كده تعالى نرجع للحديث" أعددت لعبادي الصالحين"هو ـ سبحانه وتعالى ـ الذي أعد ـ سبحانه وتعالى ـ. وتخيل لما ربنا يعد. أنا أعددت لكم ربنا لا يخلف الميعاد { ومن أصدق من الله حديثا} ما في أحد... الله تعالى هو الذي يُعد " أعددت لعبادي الصالحين ـ أول حاجة ـ ما لا عين رأت" هو ليه الترتيب ده يا جماعة؟ " ما لا عين رأت" وبعدين قام قال أيه"ما لا أذن سمعت، وبعدين قال أيه؟ ولا خطر على قلب بشر. طيب الترتيب ده ليه؟ يعني هو أول حاجة تشوف وبعدين تسمع لا... دا أنت ساعات تسمع وبعدين تشوف، لا يا جماعة هي دوائر يعني أيه دوائر؟ دائرة الشوف أصغر. يعني أنا لما أقول لك أنت شفت كم حاجة في الدنيا، أنا شفت باريس، وشفت ألمانيا، وشفت انجلترا، وشفت أمريكا، وشفت كثيرا من البلاد العربية، شفت البرازيل؟ لا والله ما رحت البرازيل. " أعددت لعبادي الصالحين ما لا عين رأت" أنت شفت قد أيه؟ شفت قد كده هوريك الأكثر منه بكثير. ما لا عين رأت. شفت المريخ؟ لا طبعا ما شفت المريخ، طيب سمعت عن قد أيه؟ آه دائرة السمع أكبر بكثير. سمعت عن المريخ، وسمعت عن زحل، وسمعت عن كذا، وسمعت عن شلالات نياجرا، وسمعت عن كذا، وسمعت عن كذا. أسمعك وهوريك أكتر بكثير من الذي سمعت عنه. طيب أيه الدائرة الأوسع الأول، شفت قد أيه؟ شفت قد كده؟ طيب سمعت قد أيه لا سمعت أكتر. طيب خطر على قلبك قد أيه؟ خطر على قلبي قصر على جبل نازل من عليه شلال عليه حمامات سباحة، مش عارف عاملة إزاي. ولا خطر على قلب بشر. يعني لغاية فين تخيل حط كل الذي نفسك فيه، وبعدين يأتي ربنا ـ تبارك وتعالى ـ يقول لك لا... خد زيادة، أديك مثلا لطيفا يعجبك. كم لون في الدنيا؟ سبع ألوان. مش كده، أصل الألوان كم ألوان الطيف سبعة. طيب أيه رأيكم لو ربنا في الجنة خلى الألوان ألف لون... ينفع ولا لا ينفع؟ يعني حد يقول لا هم سبعة. يا عم هو من الذي عمل السبعة أصلا؟ يعني هو من الذي عمل السبعة؟ مش ربنا الذي عملهم؟ طيب أيه رأيك لو خليناه ألف لون؟ طيب أيه رأيك لو كل يوم المنظر الطبيعي الذي قدام القصر بتاعك يتغير؟ طيب أيه رأيك طب فيه كم السلم الموسيقي كم سلمة في الدنيا؟ سبعة... طيب أيه رأيك لو الأصوات في الجنة بقت ألف صوت تطلع أيه؟ يحصل أيه؟ أنتم تتخيلون؟ أنا عايز أوصل لك ليه ولا خطر على قلب بشر. أيه رأيك لو كل يوم تصحو الصبح تلاقي أنواع الشجر والطيور التي حول بيتك تغيرت. دا حاجات ثانية جديدة جميلة،،،،،،
وللحديث عن الجنه بقيه
ودمتم سالمين
